2008年１月１日

哈哈！話咁快就2008年喇！！

幸運的我雖然31日晚要上班，慶幸公司提早放工，雖然要1日1點才放人！
但在公司能看見IFC背面煙花，算是驚起吧！

2007年過得非常快樂及多姿多彩～～
人生能有多少個這樣的年頭。。。

哈哈！希望08年同樣精彩吧！！！
希望，希望，希望，人生是需要希望的。。。

新年快樂！！！

很有意思的話

"每個人都不僅僅是他自己。
他還是與世上諸多事件相交𣾀的一點，
這個交滙只有一次，
而這一點獨一無二，
意味深長，卓越超絕。”
(Hermann Hesse)

不喜歡自己

很不喜歡現在的自己，真的很不喜歡！
寵物跟我說我對自己沒有自信，很對，很對！！
連自己都不喜歡自己又何來自信呢？？？
為什麼會不喜歡自己呢？一時間自己也答不出來，只覺得真的很差勁！

很喜歡剛旅行回來的自己，究竟何時才能回服當時的狀態？

一件小事。。。 KM8134

KM8134...
咩嚟～～
估唔到光天化日之下都會發生啲咁嘅事！！
有日過馬路時等綠燈啦！轉了綠燈公仔啲行人都好守跌序咁過馬路，就响所有行人都開始緊過馬路之際，有一倆中型貨車完全漠視紅燈直衝斑馬線，險些撞到一對途人，貨車急停但只停了一陣，就繼續衝過馬路逃去。我就係咁記低咗佢嘅車牌號碼KM8134。

可能只係小事一件，不過。。。
除咗無耐，我可以做啲咩呢？？？

920

我生日呀！！
其實呢我一向對生日都冇咩特別感覺！
只不過又係地球生存多咗一年之嘛！！
只不過可以唔駛錢食幾餐飯吹吓水之嘛！！
只不過有一個可以厚面皮問人攞生日禮的藉口之嘛！！！

不過。。。
生日有人陪，有人請食飯，又有生日禮物收的人係幸福的！
我多幸福！！！(￣３￣)a 哈哈哈～
今年的生日禮物及祝福意想不到的豐富～～
多謝大家！！！

唉我又係哩個星球生存多咗一年喇！！幾時我至可以返去我嘅星球呢～～

中年危機&未搵到工&夠朋友

圖：路經灣仔
唉唉唉～～
真係中年危機呀！回港已１個月另17日都重未正式搵到工。。。
真係冇鬼用呀！中午跟好友於中環飲完茶之後就在中環遊湯！今天又無所事事，實在太無聊，又唔想咁早歸家，決定走路返屋企～嘻嘻，我想咁做好耐！由中環HMV出發，沿皇后大道向金鐘方向走，途經太古廣場（入內過冷河），腦中忽發奇想，在商場發呆一陣。繼往灣仔方向出發，又途經天地圖書，入內逛了一圈，本想續看未看完的書（劉天賜著作《旅途說書人》），不過發現書店職員好似認得我，因我已在同一位置看過好多次。走累了，去了金鳳食雞批，哈哈新鮮出爐，好味！！短訊友人微，食晚飯，待覆。繼續向銅鑼灣進發，走到近大有商場，突然忘記要經CitySuper之目的，想了很久很久。又在CitySuper徘徊好耐好耐，終於想起，目的是視察Apple有冇擺BTS RoadShow！哈哈，真的有，急Call寵物犬出來睇機！等待其間又去Sogo續看《旅途說書人》。繼後食粉行街，終於等到微放工，佢嚟到已10點去老M食完餐都11點多。
無無聊聊咁又過咗一日。無工返的日子真難捱呀～～
不過有2名儍老友陪，多開心！！！

未知數？？？

居家，旅行，體驗，人生，必備 ～ ～ 未知數，帶俾你無窮樂趣！！
只講旅行用途，最理想係隨身攜帶，間中無聊悶悶地攞出來加少少，可增加旅途趣味，不過要控制得宜！如唔覺意落重咗，咁就大鑊！！變咗...... 我估不到啦！！！
變態旅行者，如我就經常落太多，重越落越開心，加得越多越起勁！往往攪到事情失控，自招苦惱。
不過每每克服過後，都令人開懷大樂，下次就再加多啲！！死就死啦，落咗至算！！

師奶戰隊=我+我的師奶朋友

話說上星期一，我約了粉紅師奶同佢嘅寶貝食午餐。首先探訪美食，接著玩渠玩玩城及美國入錢樂園（啲人真係响度不停入錢㗎！）。之後伙約白師奶（師奶隊長呀）同佢兩隻寶貝，繼續橫掃乞衣島。嘅然咁高興我都唯有變身傳說中嘅黑c9！！！（迷一檥嘅黑c9勇有師奶嘅身型，但行為談吐舉止隠隠散發著少女嘅情懷！迷一般嘅人物！！）
橫掃師至愛嘅大食攤，兒童部，特價場及超級市場。最後乘坐好似私人嘅專巴回家，所到之處無不喧嘩大作，喊兒喊娘！所說之話不外，兒女升學，家計鎖事。但其樂無窮，盡興而歸！！
還有其他成員，包括紅師奶及剛為人母嘅靚靚師奶。倘有兩位隠藏師奶！實力不容忽視！！
我地就係師奶戰隊！！！
（以上總總，純屬隨便虛構，有感亂發！）

寫給我的北京小小煩及娘室友２號-亞微...

事先聲明，我唔係刻意將你倆放在一齊㗎，純屬巧合！！
給小小煩：太難忘你的豬耳朵炒飯。
給亞微：多謝你提供的911食物。
28/02/2007
今晚食了4隻911雞亦，2條911超咸腸仔及一個911包，但還是僅僅於懷走前冇食小小煩買的Hagen Daz Baileys雪糕！！
01/03/2007
今天早餐，意大利透明奶咖啡+有 cream 嘅牛角包及差小小食埋嘅蜘蛛網曲奇！午餐，不捨地幹掉所餘嘅911雞亦（因開始變壞，估計係倒汗水關係）+小小煩提供嘅朱古力。下午茶，意大利香蕉雪糕+0.7歐小小柸咖啡。後加意大利佬請嘅咖啡館嘅意大利咖啡及附送嘅曲奇！晚餐盛情難卻但緊持自付嘅煙肉磨菇意粉+炸意大利小食及可樂，盛惠10歐！！
02/03/2007
早餐，有奶嘅咖啡（又酸又苦）+包裝牛角包及唔好味嘅朱古力蛋糕！再+昨天買1歐5個又甜又多汁靚橙！下午，海邊嘆咗2條911超咸腸仔（一次過唔可以食太多，實在太咸）及一個911包，本來留翻慢慢嘆嘅911冬甩溶咗，冇得食！多浪費！！最後唯有食多個橙補數，好多汁呀！以及最重要嘅小小煩朱古力啦！！晚餐，火車食，太餓又冇聊。食埋最後1個911包及3條911超咸腸仔，咸死人啦！！本來想食多條，不過想留多一餐！！認手。
03/03/2007
早餐，好正常唧咖啡＋非常好食嘅麵包（亞微你同yauyau應該都有食過响Catania hostel）同粟米片！因昨晚飲水不足，所以飲咗大半包果汁！（1公升，本想飲完，但不好意思所以餘下少少...）下午，好豐富，雪糕（今次士多啤利）+意大利菜芝士包1歐好抵（老板重送咗粒朱古力做甜品）下午茶再食雪糕，今次試下果仁！！晚餐澳洲沙律，有西冷牛肉 +大量蔬菜（同澳洲女自已下廚）
04/03/2007
早餐，跟昨天一樣，麵包還是很好味，食了很多，只須塗牛油已足夠！！午餐，好似火山狀嘅西西里食物，（裏面有芝士，薯仔，蕃茄等，材料雖簡單，但味道好好又胞肚）＋咖啡及小煩朱古力。下午茶食咗個橙及好多小煩朱古力，可能行山消大-食咗好多次朱古力。晚餐食Pizza。
05/03/2007
早餐食咗科學怪人大叔給我的咖啡餅及佢請的熱鮮奶。午餐冇食，因買了罐貴可樂，食咗２包小煩朱古力，好餓... 晚餐Pizza一塊+雪糕＿柑＋曲奇餅，很久冇熱嘢落肚，好掛住小煩炒飯... 本想食完3條911腸仔，但終於壞咗，太浪費嗱！！
06/03/2007
早餐，曲奇餅＋柑。午餐Pizza+雪糕＋小煩朱古力。下午茶飲咖啡。晚餐又係Pizza... 不過都好味+柑＋曲奇，好想食熱嘢，明天回Dublin就有得食..... 忍........ 期待！！！！
07/03/2007
早餐，意大利咖啡＋好大塊的腸。午餐雪糕，下午茶，再食多次雪糕！！飛機上食小煩朱古力..... 期待回家有大餐食。
ps 雖然我已經好努力咁食，最後我係未食完小煩給我的朱古力帶了返愛爾蘭。小煩對唔住都要講：其實我唔鍾意食哩隻朱古力㗎，俾著以前我實掉咗好耐啦！！！

一切從西西里開始

28/02/2007
哈哈！西西里熱情又神奇嘅地方！出發當天心情不太好，第一次出門有人送機，係我同屋北京人！佢仲做了早餐及午餐給我吃！！（早餐：看似簡單，食落複雜，係花生醬，果占，煎蛋三文治！！我第一次蛋治塗果占同花生醬，重有一杯Baileys咖啡添！！！午餐：豬耳朵炒飯，好好味，永世難忘。）
懷著沉重心情，坐上 Ryanair 壞人航空飛往西西里嘅 Trapani～ 飛機晚上九時多抵達。因為種種原因出發都未訂下Hostel，落機前收到友人Sita短訊通知已幫我訂了Hostel及佢未上機還在Trapani機場（她應座同一班機回愛爾蘭）！！飛快地落機睇吓見唔見到佢，Trapani 機場很小，入到去已見 Sita 在對面候機室不停揮手，不過相隔很遠，因電話費貴只可用短訊聯絡。Sita 重將一幅Trapani地圖，一張留言及Hoste地址交當地海關轉交給我。當時情景緊張刺激又好玩！！多得 Sita 送我這禮物，將我之前所有不開心嘅心情都一掃而空。開始我的西西里之旅～～

出發啦出發啦，人人都想擁有嘅神奇交通指示牌！！

All Destinations 所有目的地！多詩情劃意！！
其實此指示牌應該存在已久，只不過以前沒注意吧了。回港第二天坐M722巴士經過，猛然發現，香港居然有個這麼神奇的指示牌。我極度鍾意，每次經過都激起無限聯想，興奮莫名！！

我這10個月的足跡

這10個月我去過什麼地方呢？
9月出發去愛爾蘭，10月尾因為未搵到工同家人去了捷克數天（因為又趕住上班），之後有假期就零零碎碎地去愛爾蘭其他地方（Belfast 北愛，Waterford，Silgo，Kilkenny，Cork and Galway）。
跟住2月尾就正正式式地去了意大利的西西里島及比薩旅行（選擇去西西里係因為當時 Ryanair 做 promo 機票平）。
哈哈！之後就係我3個月火車大長征！！！
因為種種原因我4月回香港2星期，之後我就飛london開始我的旅程：
英國 - 法國 - 西班牙 - 瑞士 - 荷蘭 - 丹麥 - 挪威 - 瑞典 - 芬蘭 - 德國 - 奧地利 - 意大利 - 希臘 - 士耳其 - 保加利亞＊ - 羅馬利亞＊ - 匈牙利 - 克羅地亞 - 波蘭 - 拉脫維亞 - 俄羅斯 - 蒙古＊ - 中國 - 香港
＊火車經過

我想做咩

我都好耐無 Update 啦！因為懶！
我去愛爾蘭係06年九月中，雖然中間我返過香港一次，不過都算離開咗10個月！！！
10個月長唔長短唔短咁啦！雖然冇咩好大件事响我身上發生過，不過這10個月對我意義重大呀！！
其實去愛爾蘭係我第一次一個人遠行，第一次响外國搵工，搵地方住啦！！！好運地全都無驚無險，我英文差到唔可以再差嘛！！
點解我要去愛爾蘭呢？最主要係我想去歐洲旅行，次要係想學好D英文呀！！
响愛爾蘭我做過一份工做咗半年，做 Office Assistant ，因為我英文差响公司我係啞㗎！！因為我經常唔出聲差啲被人抄！！！哈哈！好彩我打不死！唔死心最後都冇被人抄！！！我住過2處地方，一處係自已一個人搵嘅（越南女仔...），另一處係識咗兩個好娘嘅室友一齊住！！！因為同屋（响度挖掘咗北京人啦，重有每日都等龍蝦上岸嘅海鮮夫婦）有中國人關係，我國語都好咗好多㗎（至少唔怕講先丫）！！另外養咗隻竉物，識咗我之後去旅行嗰兩條靚（靚仔１號同２號），重有鍾意著睡袋响身嘅冰島人，明明唔係叫翠絲嘅翠絲，等等啦。。。
雖然最後我英文都唔係好咗好多，不過足夠我之後去旅行用（唔知點解返到香港係覺得差翻）！！
跟住係我嘅心願，我真係用火車响歐洲走咗個圈，然後座火車返香港呀！！！
往後我會耐不耐 Update 寫下之前嘅經歷，主要係旅行所見居多啦！
我凡事冇計劃，做事又雜亂無章，所以我寫我講都係會亂七八糟！！！
不過我會努力做！！！
哈哈！！！
要做！冇話唔得嘅，實得㗎！！！

有 D 唔舍得！

自從決咗 ４月回香港後慢慢開始唔舍得 Dublin...
起初係哩度新識嘅朋友啦，跟住係 Ireland，近機日係我同事... 每人都有煩惱...

SICILY 我來啦 ~~~

其代已久！我12月頭 Book 好的旅程！明天出發啦！！！
當時係因為機票平＋冇所事事而訂的。機票飛三程唔駛HK800！！
不過現在計計下真係有 D 唔舍得，我計過我這倘旅程要多用只少HK3000呀！所以咩都要慳！明天出發我連住的地方都未訂，因為貴！！
另外我朋友為我準備咗好多嘢食，全都係响佢公司帶回來，有香腸有雞亦，真係多謝 Angela。
重有我同屋小小帆幫我準備咗好豐富嘅晚餐，我食咗好多呀，太多謝謝啦！
HUM..... 我會好努力咁慳錢同努力咁玩架啦！！！

我回來啦！

我已經訂好機位，如冇意外會4月１日離開愛爾蘭，２號會到香港吧！

終於俾人炒！

唔駛多講～就係俾人炒！做多一個星期啦！！