聖誕節, 愛爾蘭人會留係屋企同屋企人一齊食聖誕餐過聖誕，非常溫鼕！！
不過對於我地D外國人，係呢度冇屋企嘅人來講係好慘嘅事！
因為嗰幾日咩都唔會開，連巴士都冇㗎！就算平時好熱鬧嘅地方到時都會好似個死城咁咩都冇！不過最可怕嘅係有時會有D死靚仔（指嗰D十多歲唔知死，犯咗發都唔駛坐監嘅年青人）出嚟攪事，佢地真係咩都做得出，見到要即閃。
所以如果唔想聖誕節都留係屋企一個人過的話，就要早D做好準備，諗定有咩做，約定朋友！！
我應該會同幾個係呢識嘅香港人去 Camp，會去 Belfast 北愛首都。
我响公司係啞！其本上我係唔敢同人講嘢，因為我知佢地係唔會明我講咩。因為我講D英文只有我自已知自已講咩！好多時我都諗要學好D，要主動D同人講嘢！！但係我就係懶，我嘅懶係好可怕，我係懶得同人溝通到自閉嗰隻。成日諗住冇人理就算數，我都知咁係唔得，所以努力改善緊，好多時有機會我都會問下其他同事叫咩名，不過隔一陣就會唔記得咗！最慘係我問完人叫咩名後就唔知傾咩好！！ Poor Abby！！！
由我家去公司有３個方案:
1. 全程搭巴士 走路10分鐘到巴士站，等車15分鐘，車程10分鐘，轉車，等車10分鐘，車程20分鐘
要用一日票3.5 Euro (=35 HKD）
2. 走路到 center + 搭巴士返公司 走路20分鐘到 city center, 等車10分鐘，車程20分鐘
2.7 Euro (=27 HKD)
3. 全程走路返公司大約需時50分鐘，不過要大爆走，唔可以停，返到公司會出一身汗
唔駛錢 (=0 HKD)
對於我呢D要慳錢嘅人嚟講，有咩好得過唔駛錢，所以我選擇每日大爆走，不過真係好幸苦吓，因為要高速不停咁行，重要成日落雨同非常大風(好多時=香港3號風球咁嘅風速)，所以好多時出門嘅時候都會打包自已，只留番雙眼同鼻。最麻煩係越走會越熱，好多時返到公司會除曬D帽，頸巾，同手套，基本上我都係風雨不改，除咗唔知醒囉!!!!!
我啲英文真係好屎，再加上呢度啲口音同英美口音有出入，間接令到我聽錯嘢喇！
事緣上星期一二我應該要响公司留至８點才離開公司，但我唔知頭唔知路，星期一就咁照常5：30就放咗工。因為我聽唔清楚佢地講咩，漏聽咗星期一（佢地讀 moonday）我以為只係星期二要留底！其實我一直都只係識聽我知嘅英文，其他全部都係靠估佢地嘅意思。
咁第二日返到公司未入門口已經見到我兩個上司响門口歡迎我啦！佢地用好嚴勵嘅語氣問我點解走咗人，我咪同佢地講聽漏咗囉！佢地緊係好嬲啦！警告話可能會炒我之頪咁啦！！嘻！其實我都唔係好知佢地講咩！！！
我都諗住今次實被人炒㗎！跟住佢地冇理我，我咪繼續做嘢囉！我嘅直屬上司 J 都重係好嬲，因為我應該同佢一齊留到８點！！
大約11:30到佢地無啦啦叫我去 reception 幫手接電話！真係玩嘢！佢地明知我英文差重叫我接電話，初時我都好驚，過咗一陣心諗炒就炒啦，我一早預咗！就係咁我响 reception 接咗4個鐘頭電話，又無人問，係咁張D電話亂咁飛，其實好好玩！！
到差唔多放工，我上司同我講有咩問題，聽唔清楚要問之類啦，話叫我聽電話係俾機會我練英文！！
其實我上司同中國男同事都好好人，個男同事問過我點解走咗人，我同佢講真係聽唔清楚，因為佢知我英文真係好差，所以佢同我上司講囉！就係咁我又唔駛俾人炒住！！！
都係時候開始 Plan 下我嘅大計！！ HEE~HEE~~
雖然我依家份工都唔係好穏定，不過諗下都開心麻，如果唔係點過日晨！
其實我已經有咗初步計劃，我打算响 IRELAND 做半年嘢儲錢先(我目標係最少３萬，當然係港紙)，然後去三個月旅行！！
我諗我會留係响到至４或５月，然後返香港，因為我要羅回鄉咭，然後最遲５月出發歐遊３個月！！
初步我諗我會去嘅國家有：英國(應該係首站，因為我諗住坐甘泉航空)
西歐：德國，法國，瑞士，意大利，西班牙，希臘；
北歐：丹麥，芬蘭，瑞典，挪威；
東歐：奧地利，捷克，匈牙利，波蘭，克羅地亞，最後由俄羅斯經大陸搭火車返香港(所以我要羅回鄉咭)。
當然到最後可能冇去得咁多或者去多幾國家都未定，我只不過一路打一路諗想去嘅地方。
大家有冇意見或興趣一齊去？？
7:30AM 起床，梳冼
7:50AM 食早餐，咖啡牛奶+麵飽
8:10AM 出門，開始大爆走
8:55AM 到達公司門口，到 basment sign-in
9:00AM 開始工作
11:10AM 買午餐 (我通常買Baguette芝士＋腸仔之類。員工價1.3歐)
1:00PM 落 Basement 食午餐
1:30PM 出外到公園散步＋間中打電話返香港
2:00PM 繼續工作
5:25PM 完成工作，到 Basement sign-out
5:35PM 放工，大爆走返家
6:30PM 扺家，沖涼
7:00PM 煮晚飯
8:00PM 上網／做無聊嘢／同同房閒聊
11:00PM 睡覺
好無聊哦～～
嚟咗咁耐，未有工返之前我每日都係食兩餐，早同晚。早餐都係用鮮奶沖咖啡同食包，（都有食午餐嘅，咪係河邊或者公園食焦同餅乾囉！）晚餐主要都係食意粉或者面。都冇話好想食飯，不過就好想食叉燒包囉！星期六見得閒同咁啱買咗碎牛肉，突然間好想食碎牛粥。
其實我都煲得好似樣㗎，首先煲好粥底，最好有乾瑤柱啦！然後炸米粉(我覺得非常重要)，最後將D米粉同碎牛撈好，再放落D粥度就完成。真係好好味㗎！！！
如果有油炸鬼就好lu! 我見到有油炸鬼粉買下次可以試下!
不知不覺我嚟咗已經一個月！我上星期重唸住如果過咗10月重搵唔到工，就用所乘D錢去下旅行，然後就返香港！
多謝Snowy，佢之前做咗好榜樣，間接令我搵到工作。所以我都要做好D！！
我終於知道點解佢地會請我啦！
原來之前有一個香港WHA女仔做同一樣工作，佢地對佢讚不絕口添！試過香港人做野掂！！
個女仔叫snowy，英文應該好好（聽聞佢修英文），D人知道我係香港人都以為我英文會好好，攪到我好大壓力，影衰曬D香港人！！
咁啱個女仔又係住Dublin 8，D同事話佢行路返工！一言驚醒，我都可以試下行路返工，因為如果搭車最平都要大約HKD30，重要係我要响屋企行25分鐘到City Center 再搭車，其實係唔抵！！不過要留返星期六、日試行一次至可以實行。
I’m very luck!!!
我真係好好彩！因為我唸爆頭都唸唔到佢地點解會請我，我D英文差成咁！
我星期三見完工唸住衰緊啦！又冇所事事，第二日都唔想出街，响屋企牛左大半日。點知３點機到收到佢地電話叫我星期五去試工，嘩！緊係得啦！！跟住我Check返email至知佢上晝已send咗email問我㗎！我睇唔到炸，等我重無聊咗大半晝。夜晚勁緊張，成晚都訓唔到！！
星期五一早起身，我要九點到達，不過我早咗大半個鐘囉！！8:20已經係間公司附近遊來遊去，我重要撞到見公個 lady！我估佢地唔會太早返工所以都唔想咁早上去，大約8:53分我至上去。都要坐咗陣至有人理我！
响 Ireland ，佢地如果要教新人佢地係會搵返之前做嘅人負責，就算帶我去做嘢個位都要跟。我真係勁好彩呀！教我嘢嗰個人係中國人，咁我都冇咁驚。
佢地要我做嘅就係入Data，Oh~ easy job啦！我幾驚佢叫我聽電話呀！基本都唔係太難，不過要分D貨品種類我就唔係好得，不過佢個system同教我個男仔都OK！咁就俾我過到骨！！玩咗大約３個幾鐘個supervise 就叫我去傾，我又係唔知佢up咩啦，(佢地真係講得好快㗎，個男仔嗰D我就聽到！)大約係星期一返工有冇問題，同帶個Visa俾佢地影印留底咁啦。我只係响到笑同辦到明佢地講咩咁！That’s all Ok!!!
呢分就係我响 Ireland 見嘅第一分工，同好彩地又係我做嘅第一分工！不過我希望唔係我第一分被炒嘅工啦！！！
p.s. 試完工心情勁好，覺得 Dublin 咩都好靚！
Send 咗勁多CV 終於有機會見工啦!!!!
係咁 e~ 報告一下我响 Ireland 嘅搵工情況：
最基本要有一分/張 CV 。原本我响香港已經準備好多分CV，因為我知道Ireland print 野同影印勁貴(其實咩都貴!!!) Print 一張A4紙要HKD2，影印超過10張就HKD1/張。咪以為HK2張都可以接受，其間要試 print 好多張㗎！我 print 咗 5次至得！！係 CV 內最好有當地地址啦，所以我準備好個 D 全部冇用。
其次要申請 PPS No. 其實我都唔係太清楚有咩用，大約係一個號碼表示你可享有，交稅及享用當地設施嘅權利咁啦！
最好重有 Bank A/C 啦！不果唔太重要嘅。
其實到現事為止，我只係派咗三張 CV 炸，主要都係上網 send 比較多，因為我驚面對面派 CV，
講返我要見個分工丫！係 Office Assistance ，嘩！我收到個 email 嘅時候勁開心呀！話曬都係 Office Job 麻！重要係 Ireland 公司好似 City Super 咁做有錢人生意。HK80個鐘，返5日，朝9晩5:30，人工重好過响香港啦！！
見工前一晚我已做咗好多經準備㗎啦！點知見工嘅時候我真係唔係好聽到佢地講咩，太快啦！！我淨係識答That OK! That OK! 因為我唔知佢地問咩麻！！我已經盡咗力咁問咗兩條問題，對於我嚟講算係咁啦！！
就係咁我第一次見工已經衰咗！！不過都獲得一次經驗，最重要係我係有機會，只不過係我英文差之麻！
最有趣嘅係佢地唔會睇Ｄ證書呀，文憑呀，佢只睇我個Visa，你可以係 CV 度亂咁作嘢都得㗎！
都好耐冇update啦！其實我唔係偷賴，只係想閉關幾日唸下野同練習下英文。
講下我而家住緊嗰度丫。响 Dublin 8 (Dublin 分24個區， Dublin 1 係市中心，D號碼大約由中心點分散開去，即係號碼越碼大距離市中心越遠)，我覺得係窮區，因為有好多唔同國籍既人响附近住，附近買野又好似平少少，最主要係我住層樓似公屋！！(不過係房窗望出去個景幾靚架)
我係同一個越南女學生 share 一間房，240eur 一個月租(只會住兩個月，因為佢同房會响11月返)，同屋重有一個愛爾蘭女學生。
個越南女仔嚟咗４年讀 account，22歲我覺得佢屋企都應該有錢(每年學費要7000eur即七萬港紙，應該都唔係少數目)。至於個 irish我就好少同佢講野，所知不多。
至於我... 呢幾日都唔知做緊D嘜，又未搵到工做，英文唔又見得好咗播！！不過日日都出下街，去河邊，公園坐下咁啦！！
我來之前上網只能夠訂１晚住宿重要係６人房 mixed 添，全部都 Full 都唔知發生咩事。
我當然係訂 Hostel 啦! 酒店情況就唔知啦! 初時唸住嚟到當地自然會搵到架啦! 點知嚟到問人至知每到 weekend 經常都會係咁架！重要咁啱有 function 攪，住完星期五個晚咪將所有行李寄存响 Hostel 度囉，好彩 book 左一晚咋如果唔係仲慘呀！
我即時上網搵屋租，唸住可即日住都好ar！就係咁我 send 十幾個 messenger 終於有人覆，唸住下午睇夜晩住啦，點知屋主要五點至得閒，都冇所謂啦咪等下囉，佢叫我去 Bridges Bar 等，我搵來搵去只搵到一間 Bridges Inn 咁地面係 Bar，咪唸住 OK 啦！就係咁我响附近等左3個鐘，重要時不時落雨，响河邊坐坐下又要避雨。幾經辛苦終於到５點，點知等錯地方，最後個屋主 Call 我話趕住返屋企唔等我.... 我頂！！！咁我今晚點算呀！咪拿拿聲逐間 Hostel 問重有冇 Room 行左2間唔對路，飛快走去 Tour information 問，嘩！要EU90兩晚，成９百蚊港紙，係 Hostel 唔係 Hotel 咁點住呀！即時腦海閃出多過唸頭，書店過夜，返機場，去教會，搭夜車，全部都好似唔 work 。最後我就做左個大膽既決定，去網 Bar 過夜！！！
响 Dublin D internet bar，通常九點就收，我只係搵到一間有 24 hr，佢有 offer EU5 play over night 不過要過左 12點，正常時間要 EU3/hr ，離12點重有５個鐘 5x3=15 都好唔化算啫！我己經成日响街度遊來遊去，想搵個地方定下，終於我响附近搵到間收12點，重要如果一次過 paid EU10有10個鐘，咁我就响度玩左5個鐘，一到12點就走去隔離 EU5 play over night 度。其實我都好驚架！一個女仔，重要係中國人！我唸住整晚都唔訓架啦！點知都訓左２個鐘！Internet bar 入面好神奇，門口經常有Ｄ醉酒鬼拍門，不過佢地又唔會入嚟，我幾驚呀！坐係我隔離係個 irish 男人大約3-40歲到，粗線條嗰種，成晚就同一個日本女仔玩 webcam 搵地方住，應該係約左去英國旅行。最最神奇既係我見到個似中東人既男人睇梗香港或大陸既古裝片，因為我離開間 Bar 既時候至睇到，唔知邊套劇。
就係咁我响 Dublin 流落左成日，總算有驚無險啦！不過都唔有第二次 Lu !
世界就係咁小！
我一定不會見意人搭海灣航空去Dublin!! 飛行時間實太長啦！
由香港去曼谷２個鐘，停機入油打掃上人個機鐘，再飛巴林５個機鐘，轉機又要４個鐘，再飛機都柏林又差不多９個鐘，前前後後大約要20個鐘，都好辛苦架!!! (不過真係平HKD53XX)
我唸住都唔會有香港人搭架啦！架機都好 full，果真大部份都係泰國人呀，巴林人/中東人呀，西人呀咁啦！坐我隔離係個男仔，似華人，染金髮，我初時仲估佢係巴林華人添，因為我聴到佢英文唔係咁好！！
由香港去泰國２個鐘我地都冇講過野！去到泰國D人落曬機佢終於要開口問我可唔可以落機！原來佢都係香港人！重要都係 WHA 去 Ireland !!!!!
嘩！好彩我識左佢咋，下稱 “K” 。
原來 K 攞 WHS 去左澳洲一年 (不過佢D英文唔似囉，死啦！我驚好似佢咁一年後英文仲係咁屎！！)
K 係好攪笑既人，cam cam 地，我覺得佢係 gay 不過佢唔認!經常要去浦bar!! 嚟左咁耐係晚晚都去架，好似唔去唔舒服咁架!!!!!! 佢通常去 gay bar!!!! 佢講D經黁重攪笑，不過唔方便响到講啦!!
K 雖然英文唔好，不過佢勁厚面皮，响街隨手可以捉過人問野，非常直得我學習。咁我地咪一齊上路囉，冇咁驚麻!!!!!
亦由於佢我又識左機個同我地一樣既WHA香港朋友啦!!!
所以Ｋ算係我响 Ireland 既第一個朋友！！
之前朋友Ｌ先生提過我，不過唸住我仲後生冇可能係我既！
我只不過擺左1年多之麻，這對陪我征戰多年既鞋，就咁就冇左!!!
事綠L先生己經同我講過如果D鞋太耐冇著，鞋D膠好容易就碎!!! 我出門口既時候都唔覺架！點知我一上A12巴士就發現鞋尾有D裂，點知範圍越來越大，我等機既時候仲手多多响鞋頭整一整就好似上圖咁，成塊鞋底甩左出來。
咁死啦，點算好！好彩我帶左2對鞋啫，不過係全部寄左倉，我重要搭廿幾個鐘頭飛機架。最後我幾經辛苦至行左上機，响依依不舍既情況下在 Bathrain 機場轉機時掉左對鞋。只係著住對蔑响機場走來走去直到我响 Dublin 機場蘿番D行李。
就响咁既情況下開始左我預備會去一年既旅程。
